Bas itni si inaayat mujh pe aik baar kijiye
Kabhi aa ke mere zakhmon ka dedaar kijiye

Ho jaaye begaane aap shauq se sanam
Aapkee hain aapkee rahegey aitbaar kijiye

Parhne waale hi darr jaayen dekh kar ise
Kitaab-e-dil ko itnaa na daagdaar kijiye

Na majboor kijiye, ke main unko bhool jaaun
Mujhe meri wafaaon ka na gunehgaar kijiye

In jalte diyon ko dekh kar na muskuraaiye
Zara hawaaon ke chalne ka intezaar kijiye

Karna hai ishq aapse karte rahenge hum
Jo bhi karna hai aapko mere sarkaar, kijiye

Phir sapno ka ashiyaan bana liya hai maine
Phir aandhiyon ko aap khabardaar kijiye

Hame na dikhaiye ye daulaate ye shohrat
Hum pyaar ke bhookhe hain humey pyaar kijiye

Related posts:

  1. Duriyon ki na parwah kijiye Duriyon ki na parwah kijiye, dil jab bhi pukare...
  2. Ek Baar Kar Ek Baar Kar K Aetbaar Likhdo Kitna Hai Mujhse...
  3. Kaha tha tum say…mera intezaar na karna Kaha tha tum say…mera intezaar na karna dunya chahey...
  4. 1 larki mujh ko hans k dekh rahi hai A boy told his friend, “yar aik larki mujh...
  5. Ab k Mujh Ko Ab k Mujh Ko Dekh K Wo Dekhta Reh...

Related sms brought to you by Love sms.