safar-e-manzil-e-shab yaad nahii.n
log ruKhsat huye kab yaad nahii.n

dil me.n har vaqt chubhan rahatii thii
thii mujhe kis kii talab yaad nahii.n

vo sitaaraa thii ke shabanam thii ke phuul
ik suurat thii ajab yaad nahii.n

aisaa ulajhaa huu.N Gam-e-duniyaa me.n
ek bhii Khvaab-e-tarab yaad nahii.n

bhuulate jaate hai.n maazii ke dayaar
yaad aaye.n bhii to sab yaad nahii.n

ye haqiiqat hai ke ahabaab ko ham
yaad hii kab the ke ab yaad nahii.n

yaad hai sair-e-charaaGaa.N “Nasir”
dii ke bujhane kaa sabab yaad nahii.n

tags: , , , , , ,

Related posts:

  1. Wo Khuwaab thaa Wo Khuwaab thaa bikhar gayaa Khayaal thaa milaa nahin...
  2. Us ne chaahaa bhi tujhe aur jataayaa bhi naheen pyaas vo dil kii bujhaane kabhii aayaa bhii naheen...
  3. Unko hamari yaad aaye PYAR means…. P = Phone karna.. Y = Yaad...
  4. ab Kabhi Choudhwen ab Kabhi Choudhwen Ka Chand Dekhon Tum Yaad Aatey...
  5. Unki yaad liye ye diwali to aaye Diwali aai, khushiya laye Bichda tha jinke saath bachpan...

Related sms brought to you by Love sms.