woh mera dilrubaa sabhi kuch hai
husn, naaz o adaa sabhi kuch hai

us ki ankhon ko tum ney dekha hai?
kaif, masti ,hayaa sabhi kuch hai

wo hee saqi, wohee maseeha hai.
aik dard ashnaa sabhi kuch hai

kia nazam,kia ghazal, qaseeda kia?
ik tera tazkira sabhi kuch hai

lab sey izhar kar nahin sakta
woh magar janta sabhi kuch hai

ik nazar daikh kar laga kuch youn
jaisey ke paa liya sabhi kuch hai

na suney woh to kia karain Sameer ?
ham ney to keh diya sabhi kuch hai

Sameer +92 300 2711 588